کوردپرێس- به‌پێی ئه‌و زانیارییه‌ی له‌ سه‌رچاوه‌كانی سه‌رۆكایه‌تی كۆماری توركیاوه‌ ده‌ستكه‌وتووه‌ ڕه‌جه‌ب ته‌ییب ئه‌ردۆغان په‌یوه‌ندییێکی ته‌له‌فۆنی له‌گه‌ڵ ئانجێلا مێرکڵ سه‌رۆکی ئه‌ڵمانیا ئه‌نجام دا.

ئه‌ردۆغان پاش پێشوازی كردن له‌ یانس ستۆڵته‌نبێرگ سكرتێری گشتیی ناتۆ په‌یوه‌ندیی ته‌له‌فۆنی له‌گه‌ڵ مێركڵ ئه‌نجام دا و تیایدا بابه‌ته‌ دوو قۆڵی و هه‌رێمییه‌كانیان تاوتوێ كرد.

له‌و پێوه‌ندییه‌ ته‌له‌فۆنییه‌دا ئه‌ردۆغان و مێركڵ باسیان له‌و هێرشه‌ی ئه‌مریكا، به‌ریتانیا و فه‌ڕه‌نسا كرد بۆ سه‌ر سووریا له‌سه‌ر به‌كارهێنانی چه‌كی كیمیایی له‌ دوما و جه‌ختیان له‌سه‌ر ئه‌وه‌ كرده‌وه‌ كه‌ پێویسته‌ هه‌نگاو بنرێت به‌ ئاڕاسته‌ی پاراستنی یه‌كپارچه‌ییی خاكی سووریا و به‌ره‌وپێشبردنی قۆناغی سیاسی.

سه‌رچاوه‌: ڕۆژنامه‌ی ملییه‌ت

کۆدی هه‌واڵنێر: 60103