به‌پێی هه‌واڵی کوردپرێس، ئێواره‌ی ڕۆژی سێشه‌ممه 2017.04.10 نێچیرڤان بارزانی سه‌رۆک وه‌زیرانی هه‌رێمی كوردستان پێشوازی له دۆگلاس سیلیمان باڵیۆزی ئه‌مه‌ریكا له عێراق كرد كه كین گرۆس كۆنسووڵی گشتیی ئه‌مه‌ریكا له هه‌ولێر و شاندێكی دیپلۆماسی یاوه‌رییان ده‌كرد.
لای خۆیه‌وه سه‌رۆک وه‌زیرانی هه‌رێمی كوردستان سوپاسی سه‌ردان و پێشكه‌ش كردنی پرسه و سه‌ره‌خۆشی له سیلیمان و شاندی یاوه‌ری كرد و هه‌روه‌ها سوپاسی كردن بۆ پشتگیری كردن له دروست بوونی ئه‌و دیالۆگه‌ی ئێستا له نێوان هه‌ولێر و به‌غدا هه‌یه.
له ته‌وه‌رێكی دیكه‌ی كۆبوونه‌وه‌كه‌دا باس له مه‌ترسیی سه‌رهه‌ڵدانه‌وه‌ی داعش و توندوتیژی كرا و له‌مباره‌یه‌وه هه‌ر دوو لا له‌سه‌ر پێویستیی هه‌ماهه‌نگییێكی باشتر له نێوان هه‌موو لایه‌نه‌كاندا بۆ ڕێگری كردن له توندوتیژی هاوڕا بوون.
تاوتوێ کردنی چه‌ند پرسێكی په‌یوه‌ست به ناوچه‌كه و ئاڵوگۆڕ كردنی بیر و بۆچوون له‌باره‌یانه‌وه لایه‌نێكی دیكه‌ی دیداره‌كه بوو.
سه‌رچاوه: ماڵپه‌ڕی پارتی دیموکراتی کوردستان
کۆدی هه‌واڵنێر: 60103
Your Comment