کوردپرێس: سەرۆک بەرهەم ساڵح، سەرۆک کۆماری عێراق جگە لە بەشداری کردنی لە کۆڕبەندی ساڵانەی ئابووریی داڤۆس و پێشکەش کردنی وتارێک لە کۆربەندەکەدا کە بڕیارە لە 21 تا 24ی ئەم مانگە لە سویسرا بەڕێوەبچێت، چەند کۆبونەوەیێکی دوو قۆڵیش لەگەڵ سەرۆک و سەرکردەکانی وڵاتان لەناویشیاندا دۆناڵد ترەمپ، سەرۆکی ویلایەتە یەکگرتووەکانی ئەمریکا ئەنجام دەدات.

کۆنگرەی داڤۆس، کۆبوونەوەی ساڵانەی نوێنەرانی سیاسی و ئابووری وڵاتانی جیهانە، لە ساڵانی هەشتاکانەوە بەستنی ئەو کۆنگرەیە ساڵانە بەردەوامی هەیە، بە یەکێک لەچالاکییە گەورەکانی نێودەوڵەتی دادەنرێت کە ساڵانە ژمارەیێکی زۆر لە سیاسی، پیاوانی کار، نوێنەری رێکخراوە گشتی و جیهانییەکان، نێوەنگیرە ئەکادیمییەکان، کەسایەتییە رۆشنبیرییەکان و سەرکردەکانی جیهان بەشدار دەبن تیایدا.

کۆدی هەواڵنێر: 60113