بەپێی هەواڵی کوردپرێس، پانۆس کامێنۆس وەزیری بەرگریی یوونان کە بۆ بەشداری لە دانیشتنی وەزیرانی بەرگریی وڵاتانی ئەندام لە یەکێتیی ئەورووپا سەردانی برووکسێلی کردووە لەبارەی دەستگیریی دوو سەربازی ئەو وڵاتە لە خاکی تورکیا لەگەڵ هاوتاکانی خۆی لە ناتۆ دیدار و گفتوگۆی کرد.
کامێنۆس لە دیدارەکەدا دەری‌بڕیوە: ئەنقەرە خەریکی بە ئانقەست بابەتێک درێژ دەکاتەوە کە لە دۆخێکی ئاسایی و بێ کێشەدا چارەسەر دەبێت و هەر بۆیەش داوا لە وڵاتانی ئەندامی ناتۆ دەکەین لەمبارەوە فشار بخەنە سەر تورکیا.
سەرەڕای ئەوەش دیمیتری پاپادیمۆلیسم جێگری پارلەمانی یوونان داوای لە فێدریکا موگرینی بەرپرسی سیاسەتی دەرەوەی یەکێتیی ئەورووپا کردووە دەست لەم بابەتە وەرد بدەن و بەدواداچوونی بۆ بکەن.
سەرچاوە: ڕۆژنامەی دیوار
کۆدی هەواڵنێر: ٦٠١٠٥
Your Comment