به‌پێی هه‌واڵی کوردپرێس، هاوسه‌رۆکی پێشووی PYD که هاوکات به‌رپرسی پێوه‌ندیی ده‌ره‌وه‌ی (TEV-DEM)ه پاش ئازادکرانی له وڵاتی چێک سه‌باره‌ت به پێداگریی حکوومه‌تی تورکیا بۆ ده‌ستگیر کرانی ناوبراو و ڕێگری کردن له باس کردنی پرسی عه‌فرین له یه‌کێتیی ئه‌ورووپا ڕای‌گه‌یاند: "ئه‌وان هه‌رگیز به‌و ئامانجه‌ی خۆیان ناگه‌ن."
موسلیم له یه‌که‌م لێدوانی خۆی پاش ئازادکرانی زیادی کرد: حوکمی ده‌ستبه‌سه‌رکرانی من له لایه‌ن سیسته‌می داده‌وه ده‌ر کرابوو. من برامه به‌رده‌م دادگه و چوون من هاووڵاتیی وڵاتێکی ترم دادگه بڕیاری دا ئازادم بکات.
ناوبراو سوپاسی هه‌موو ئه‌وانه‌ی کرد له ئازاد کردنیدا ماندوو بوون.
موسلیم وتیشی: ئێمه هه‌موو یه‌کین. ئه‌وان ده‌یانه‌وێت ئێستا ئێمه بێده‌نگ بکه‌ن که له‌سه‌ر عه‌فرین خه‌ریکی گفتوگۆ کردنین له‌گه‌ڵ ئه‌ورووپا به‌ڵام قه‌ت به‌و ئامانجه‌ی خۆیان ناگه‌ن. ئه‌ورووپا خاوه‌ن ده‌ستوور و یاسایه. له‌وێ که‌س له ژێر فه‌رمانی حکوومه‌تی تورکیا نییه. ئه‌وان ناتوانن کورد بێده‌نگ بکه‌ن.
سه‌رچاوه: فورات نیووز
کۆدی هه‌واڵنێر: 60104
Your Comment