به‌پێی هه‌واڵی کوردپرێس، کاوه محه‌مه‌د له به‌یاننامه‌یێکدا نووسیی: درێژکردنی قه‌ده‌غه‌ی گه‌شته ئاسمانییه نێوده‌وڵه‌تییه‌کان له فڕۆکه‌خانه‌کانی هه‌ولێر و سلێمانی سه‌ره‌ڕای ئه‌وه‌ی که هه‌وڵێکی زاڵمانه‌یه له‌گه‌ڵ بڕیاری دادگه‌ی فیدڕاڵی عێراق له‌و باره‌یه‌وه یه‌ک ناگرێته‌وه.
محه‌مه‌د زیادیشی کرد: بزووتنه‌وه‌ی گۆڕان به باشی ده‌زانێت که له ڕابردوودا فڕۆکه‌خانه و ڕێڕه‌وه سنوورییه‌کان بۆ گه‌نده‌ڵی پارته‌کان به نفووز له هه‌رێمی کوردستان به‌کار ده‌هێندرا، بۆیه گۆڕان پاڵپشتی ده‌کات له چاودێریی به‌غدا له سه‌ر فڕۆکه‌خانه و ده‌روازه سنوورییه‌کان و ئیداره‌ی هاوبه‌ش به‌پێی ده‌ستووری عێراق له لایه‌ن به‌غدا-هه‌ولێره‌وه.
ناوبراو داوای له ده‌وڵه‌تی فیدڕاڵ کرد پێداچوونه‌وه له‌سه‌ر بڕیارکه‌ی بدات و بۆ ڕێگری له سزای هاووڵاتییانی هه‌رێمی کوردستان، فڕۆکه‌خانه‌کانی هه‌رێم بۆ گه‌شته ئاسمانییه ده‌ره‌کییه‌کان بکاته‌وه.
سه‌رچاوه: ماڵپه‌ڕی هه‌واڵی "بغداد الیوم"
کۆدی هه‌واڵنێر: 60104
Your Comment