به‌پێی هه‌واڵی کوردپرێس، فۆزی دڵبه‌ر خاوه‌نبیرێکی پرسی کورد به‌ هه‌واڵده‌ریی دوێچه‌ وله‌ی ئه‌ڵمانیای وتوووه‌: کوردی سووریا متمانه‌ی به‌ ئه‌مریکا و وڵاتانی ڕۆژئاوا کرد و له‌ شه‌ڕی دژ به‌ داعشدا یارمه‌تیی ئه‌و وڵاتانه‌ی دا به‌ڵام ئه‌وان خه‌مساردی ده‌نوێنن له‌ به‌رانبه‌ر هێرشه‌که‌ی تورکیا بۆ عه‌فرین.

ناوبراو زیادی کرد: کورد له‌ شه‌ڕی داعشدا ده‌وری سه‌ره‌کی بینی و ته‌نها داوای ئاشتی و سه‌قامگیریی ناوچه‌ی ژێر کۆنتڕۆڵی خۆیان ده‌که‌ن به‌ڵام کورد ئێستا هه‌ست به‌وه‌ ده‌کات که‌ ئه‌مریکا و وڵاتانی ڕۆژئاوا پشتیان له‌ کورد کردوووه.

ئه‌و خاوه‌نبیره‌ جه‌ختیشی کردۆته‌وه‌: وڵاتانی ڕۆژئاوا گوێی خۆیان خه‌واندوووه‌ له‌ هێرشه‌که‌ی تورکیا بۆ عه‌فرین.

فۆزی دڵبه‌ر ده‌شڵێت: ئه‌گه‌ر وڵاتانی ڕۆژئاوا نه‌جووڵێن و ته‌داخول نه‌که‌ن عه‌فرین ده‌که‌وێت به‌ڵام دانیشتوانی ناوچه‌که‌ چاره‌نووسیان نادیاره‌ چوونکه‌ ئه‌گه‌ر هه‌یه‌ ڕووبه‌ڕووی ئه‌و گرووپه‌ توندڕه‌وانه‌ ببنه‌وه‌ که‌ ده‌مێکه‌ خۆیان مڵاس داوه‌ ڕۆژێک به‌ره‌وڕووی کورد ببنه‌وه‌ و له‌ ناویان به‌رن.

کۆدی هه‌واڵنێر: 60104