به‌پێی هه‌واڵی کوردپرێس، مه‌سروور بارزانی ڕاوێژکاری ئه‌نجومه‌نی ئاسایشی هه‌رێمی کوردستان که به‌شداره له کونفڕانسی ئاسایشی میونشن و دوای کۆبوونه‌وه‌ی شاندی کوردستان له‌گه‌ڵ حه‌یده‌ر عه‌بادی ده‌ڵێت: له کۆبوونه‌وه‌که‌دا حه‌یده‌ر عه‌بادی سه‌رۆک وه‌زیرانی عێراق ئاماده‌ییی خۆی بۆ کردنه‌وه‌ی فڕۆکه‌خانه‌کانی هه‌رێمی کوردستان ده‌ربڕیوه.
ناوبراو ئاماژه به‌وه ده‌کات له به‌شێكی دیكه‌ی كۆبوونه‌وه‌كه‌دا باس له كردنه‌وه‌ی فڕۆكه‌خانه‌كان كراون و هه‌ر له‌و دیداره‌دا عه‌بادی ڕای‌گه‌یاندوووه هه‌ندێک گرفتی ته‌كنیكی بۆ کردنه‌وه‌ی فڕۆکه‌خانه‌کان هه‌یه که ئه‌گه‌ر ئه‌و گرفتانه چاره‌سه‌ر بكرێن فڕۆکه‌خانه‌کان ده‌كرێنه‌وه.
مه‌سروور بارزانی جه‌ختی کرده‌وه: له‌و کۆبوونه‌وه‌یه‌دا هه‌ندێک ڕێگه‌چاری نوێ بۆ چاره‌سه‌ر کردنی کێشه و ناکۆکییه‌کانی نێوان هه‌ولێر- به‌غدا خراوه‌ته به‌ر باس و لێکدانه‌وه.
شایانی باسه؛ ڕۆژی شه‌ممه 28ی ڕێبه‌ندان/ 17ی فێبریوێری و له په‌راوێزی كۆنفرانسی ئاسایشی میونشن له ئه‌ڵمانیا، حه‌یده‌ر عه‌بادی سه‌رۆک وه‌زیرانی عێراق و نێچیرڤانی بارزانی سه‌رۆكی حكوومه‌تی هه‌رێم كۆ بوونه‌وه و پرسی شه‌ڕی تیرۆر و كێشه‌كانی نێوان هه‌رێم و به‌غدایان تاوتوێ كرد.
سه‌رچاوه: شارپرێس
کۆدی هه‌واڵنێر: 60103
Your Comment