به‌پێی هه‌واڵی کوردپرێس، PyroLance چه‌كێكی ئاوییه كه ده‌توانێت له ماوه‌ی سێ چركه‌دا كونێكی سێ میلیمه‌تری بكاته ناو دیواری پۆڵایین و چیمه‌نتۆ و دیواری خشت و هه‌روه‌ها شووشه‌ی دژه گولـله و له ڕێگه‌ی ئه‌م كونه‌وه به شێوه‌ی سپڕای ئاوێكی زۆر به فشار ڕه‌وانه‌ی ئه‌وبه‌ری كونه‌كه ده‌كات و به‌خێرایی ئاگره‌كه داده‌مركێنێته‌وه.
جیا له هێزی ده‌ریایی ئه‌مریكا، فڕۆكه‌خانه‌ی هیوستن و كۆمپانیای ئۆتۆمبیڵسازیی رۆڵز رۆیسیش ئه‌م ته‌كنه‌لۆجیا نوێیه‌یان خستۆ‌ته به‌رنامه‌ی كاری سیسته‌می ئاگركوژێنه‌وی خۆیان.
تێووی هه‌ر پاكێجێكی ئه‌م سیسته‌مه بریتییه له 15 تا 80 هه‌زار دۆلار و جیا له هه‌موو تایبه‌تمه‌ندییه باشه‌كانی دیكه‌ی به هۆی ئه‌وه‌ی كه سیسته‌می UHP تیایدا به‌كار هاتوووه و ئه‌م سیسته‌مه‌ش فشاری له ڕاده‌به‌ده‌ر دروست ده‌كات و ئاو به فشاری زۆره‌وه ده‌رده‌دات، هه‌ر بۆیه ئاوه‌كه به شێوه‌ی سپڕای دێته ده‌ره‌وه و له ئه‌نجامدا كه‌مترین ئاو خه‌سار ده‌بێت له‌م پرۆسه‌یه‌دا.
سه‌رچاوه: ئیسنا
کۆدی هه‌واڵنێر: 60104
Your Comment