بەپێی هەواڵی کوردپرێس، داواکاری گشتی ئەنقەرە بە تۆمەتی پروپاگاندەکردن بۆ تیرۆر بە بۆنەی وتارێک لە سێیەمین کۆنگرەی ھەدەپە کە رۆژی یەکشەممەی رابردوو خوێنرایەوە، بڕیاری دەستگیر کردنی بۆ ھاوسەرۆکی گشتی پێشووی ھەدەپە، سەرپیل کەمالبای دەرکرد.

لەم چوارچێوەیەشدا، تیمەکانی بەرەنگاربوونەوەی تیرۆر سەر بە بەڕێوەبەرایەتیی پۆلیسی ئەنقەرە، ناوبراویان دەستگیر کرد.

بەشێک لەو کەسانەی کە لە نزیکی کەمالبایدا بوون، ویستیان رێگری لە پۆلیس بکەن بۆ ئەوەی ناوبراو دەستگیر نەکرێت.

تا ئێستا سەدان کەس بە بۆنەی ناڕەزایی دەربڕین و ڕەخنە گرتنیان لە هێرشی تورکیا بۆ سەر عەفرین، لە تورکیا دەستگیر کراون.

کۆدی هه‌واڵنێر: 60113