به‌پێی هه‌واڵی کوردپرێس، غازی كه‌ركووكی جێگری لێپرسراوی مه‌ڵبه‌ندی كه‌ركووكی یه‌كێتی به SNNی ڕاگه‌یاند: "هه‌رچه‌نده پێشتر باس له پێكهێنانی هێزی هاوبه‌شی پێشمه‌رگه و سوپای عێراق و ئه‌مریكا كرا له سه‌ربازگه‌ی كه‌یوان، به‌ڵام به‌غدا تا ئێستا ئاماده نییه كار له سه‌ر ئه‌و هه‌نگاوه بكات".
ئه‌وه‌شی ئاشكرا كرد: "توركیا پیلانی هه‌یه كورد له كه‌ركووک به‌شداری ئیداره‌دانی پارێزگاكه نه‌كات و له ڕێگه‌ی به‌غداوه ئه‌و فشاره‌ی دروست كردوه، هه‌ر بۆیه عێراقیش ئاماده نییه هه‌ماهه‌نگیی ته‌واو له كه‌رکووک له‌گه‌ڵ پێشمه‌رگه بكات".
سه‌باره‌ت به بوونی هێزه‌كانی پێشمه‌رگه له سه‌ربازگه‌ی كه‌یوان غازی كه‌ركووكی جه‌ختی كرده‌وه:، "له‌و سه‌ربازگه‌یه تیمێكی تایبه‌تی پێشمه‌رگه بوونی هه‌یه، به‌ڵام ژماره‌یان كه‌مه، بۆیه چاوه‌ڕوان ده‌كرێت له چه‌ند ڕۆژی داهاتوودا گۆڕانكاریی له‌و ناوچانه له چه‌ند بوارێكدا ئه‌نجام بدرێت".
له باره‌ی به‌ڕێوه‌بردن و ئیداره‌دانی هاوبه‌شی بازگه‌كانی كه‌ركووک به هاوبه‌شی له نێوان پێشمه‌رگه و سوپادا ئه‌و به‌رپرسه‌ی یه‌كێتی وتی: "تا ئێستا حكوومه‌تی عیراق ئاماده‌یی ده‌رنه‌بڕیوه و هیچ به‌ره‌وپێشچونێكیش له‌و بواره‌دا ڕووی نه‌داوه".
کۆدی هه‌واڵنێر: 60104
Your Comment