بەپێی هەواڵی کوردپرێس، ماڵپەڕی ڕێکخراوی چاوەدێریی مافی مرۆڤ بڵاوی کردۆتەوە کە ئەو ڕێکخراوەیە لە ڕێگای ڕاپۆرتێکەوە باسی لە شوێنی ناشتنی تەرمی ٨٠ تا ١٥٠ ئەندامی داعش کردوە لە باکووری ڕۆژهەڵاتی مووسڵ و هێزە ئەمنییەکانی ناوخۆی هەرێمی بەوە تۆمەتبار کردوە بەبێ دادگایی کردن ئەو داعشانەیان لە سێدارە داون و بە شەودا تەرمەکانیان ناشتوون.

هەروەها ئاماژە بەوەش دەکات کە تەرمەکان لە شوێنێکی سێڵاوخێزی دەوروبەری بەنداوی مووسڵ نێژراون و داواشی کردوە مۆڵەت بدرێتە ڕێکخراوە نێونەتەوەییەکان کە گۆڕەکان بکۆڵنەوە.

لەلایێکی دیکەشەوە هەرێمی کوردستان ئەو تۆمەتانەی چاوەدێری مافی مرۆڤی ڕەت کردۆتەوە و ڕای‌گەیاندوە ئەو ئەندامانەی داعش لە ڕەوتی شەڕ لەگەڵ هێزە کوردییەکاندا کوژراون.

کۆدی هەواڵنێر: ٦٠١٠٥