به‌پێی هه‌واڵی کوردپرێس، ڕه‌نا كه‌مال سه‌رۆكی شاره‌وانی خانه‌سۆر به SNNی ڕاگه‌یاند: دوێنێ 4ی فێبریوێری له سنووری شنگال گۆڕێكی به‌كۆمه‌ڵ دۆزرایه‌وه كه ته‌رمی 70 كه‌سی تێدایه و سه‌رجه‌میان گه‌نجن و به جلوبه‌رگه‌كانیشیان ده‌رده‌كه‌وێت ئێزیدین.
ناوبراو باس له‌وه ده‌کات تا ئێستا 77 گۆڕی به‌كۆمه‌ڵ له شنگال دۆزراونه‌ته‌وه كه سه‌رجه‌میان بۆ سه‌رده‌می داگیركاری داعش ده‌گه‌ڕێنه‌وه و ده‌شڵێت: "سه‌ره‌ڕای ئه‌وه‌ی حكوومه‌تی عێراق و وه‌زاره‌تی شه‌هیدان و كاروباری ئه‌نفالكراوانی هه‌رێم هه‌ماهه‌نگیان هه‌یه بۆ هه‌ڵدانه‌وه‌ی گۆڕه‌كان به‌ڵام حه‌شدی شه‌عبی به‌ربه‌ست بۆ ئه‌و بابه‌ته دروست ده‌كات".
ڕه‌نا كه‌مال نه‌یشی شارده‌وه كه پێشتر له‌لایه‌ن پارتییه‌وه له بازگه‌ی سحێلا كێشه دروست ده‌كرا و ئێستاش دۆخێک دروست بوووه و ناتوانرێت ده‌وروبه‌ری گۆڕه به‌كۆمه‌ڵه‌كانیش له ته‌قه‌مه‌نیی چێندراو پاک بكرێنه‌وه.
ناوبراو هۆشداریشی له بوونی مه‌ترسی له نزیک گۆڕه به‌كۆمه‌ڵه‌كان دا و وتی:" تا ئێستا به‌شێكیان مه‌ترسی ته‌قینه‌وه‌ی بۆمبی چێندراویان لێده‌كرێت".
کۆدی هه‌واڵنێر: 60103
Your Comment