به‌پێی هه‌واڵی کوردپرێس، ئه‌و ڕووداوه نیوه‌ڕۆی ڕۆژی یه‌کشه‌ممه له میحوه‌ری ئیلام- سه‌رابله ڕووی دا که له‌و ڕووداوه‌دا دوو ئۆتۆمبێلی جۆری وانت زامیاد و برلیانس لێکیان دا.
سه‌رۆک پۆلیسی هاتوچۆی پارێزگای ئیلام له‌و باره‌وه ده‌ڵێت: پاش ئه‌و ڕووداوه که وه‌رگه‌ڕانه‌وه‌ی هه‌ر دوو ئۆتۆمبێله‌که‌ی لێکه‌وته‌وه 6 سه‌رنشینی ئه‌و ئۆتۆمبێلانه بریندار بوون که بۆ نه‌خۆشخانه‌ی سه‌رابله گوازرانه‌وه.
سه‌رهه‌نگ ڕه‌زا هێمه‌تی‌زاده جه‌ختی کرده‌وه: به‌داخه‌وه 2 سه‌رنشینی ئۆتۆمبێلی جۆری برلیانس له کاتی گواستنه‌وه بۆ نه‌خۆشخانه گیانیان له‌ده‌ستدا.
سه‌رۆک پۆلیسی هاتوچۆی پارێزگای ئیلام وتیشی: کارناسانی پۆلیس تێپه‌ڕاندنی خێراییی مۆڵه‌ت‌پێدراوی ئۆتۆمبێلی جۆری زامیاد به هۆکاری ئه‌و ڕووداوه ده‌زانن.
کۆدی هه‌واڵنێر: 60103
Your Comment