به‌پێی هه‌واڵی کوردپرێس، هه‌مام حه‌موودی پاش دیدار له‌گه‌ڵ لیژنه‌یێک له پارته کوردستانییه‌کان له بهغدا، له به‌یاننامه‌یێکدا ڕای‌گه‌یاند: په‌یوه‌ندییه‌کانی نێوان ده‌وڵه‌تی فیدڕاڵ و حکوومه‌تی هه‌رێمی کوردستان به‌ره‌و باشتربوون ده‌ڕوات.
ناوبراو زیادی کرد: دواخستنی هه‌ڵبژاردنه‌کانی په‌رله‌مان له عێراق، ئاگری جه‌هه‌نده‌م له ڕووی ئه‌و وڵاته ده‌کاته‌وه.
حه‌موودی له به‌یاننامه‌که‌یدا جه‌ختی کرده‌سه‌ر زه‌رووره‌تی پابه‌ندبوون به به‌ڕێوه‌چووی هه‌ڵبژاردنێکی بێ خه‌وش و شه‌فاف له ماوه‌ی دیاریکراودا و زیادی کرد: "ئێمه هه‌وڵ ده‌ده‌ین بۆ پێکهێنانی کۆمیسیۆنێکی په‌رله‌مانی بۆ پێوشوێنگریی کێشه و گرفته‌کانی نێوان هه‌ولێر-بهغدا و چاره‌سه‌رکردنی ئه‌وکێشانه به‌پێی ده‌ستووری عێراق."
ئه‌و به‌یاننامه‌یه ئه‌وه ده‌رده‌خات که لیژنه‌ی کوردیش له‌و دیداره‌دا له هه‌ڵوێسته‌کانی سه‌رۆکی سێ ده‌سه‌ڵاتی باڵا که بۆته هۆی ڕێککه‌وتنه‌کانی ئه‌م دواییه‌ی نێوان بهغدا-هه‌ولێر به‌تایبه‌ت سه‌باره‌ت به دابین کردنی مووچه‌ی فه‌رمانبه‌رانی هه‌رێمی کوردستان ده‌ستخۆشی ده‌کات.
سه‌رچاوه: هه‌واڵده‌ریی "موازین نیوز"
کۆدی هه‌واڵنێر: 60104
Your Comment