به‌پێی هه‌واڵی کوردپرێس، ڕاکان سه‌عید جبووری، پارێزگاری که‌رکووک له لێدوانێکی ڕۆژنامه‌وانیدا ئاماژه‌ی دایه ئه‌وه‌ی که که‌رکووک یه‌کێک له گرینگترینی ئه‌و پارێزگایانه‌یه که ئیتنیکی جۆراوجۆری تێدایە و ناوچه کێشه‌له‌سه‌ره‌کان ئێستا شاهیدی سه‌قامگیری و ئاسایشی بێ وێنه‌ن.
ناوبراو هه‌روه‌ها له‌سه‌ر دژایه‌تیی عه‌ره‌ب و تورکمانه‌کان به به‌شداریی پێشمه‌رگه و هه‌ر هێزێک له ده‌ره‌وه‌ی کۆنتڕۆڵی ده‌وڵه‌تی فیدڕاڵ له سه‌ر ڕه‌وتی پاراستنی ئاسایشی ناوچه کێشه‌له‌سه‌ره‌کان جه‌ختی کرده‌وه و وتی: ئه‌و هه‌وڵه وه‌کوو برووسکه‌یێک بۆ تێکدانی ئاسایشی عێراق ده‌بێت.
جبووری وتیشی: پێکهێنانی هێزێک له هه‌موو ئیتنیکه عێراقییه‌کان له لایه‌ن ده‌وڵه‌تی فیدڕاڵه‌وه بۆ پاراستنی ئاسایشی پارێزگای که‌رکووک له لایه‌ن هه‌موو ئیتنیکه‌کانی ئه‌و پارێزگایه‌وه پێشوازی لێی ده‌کرێت.
سه‌رچاوه: هه‌واڵده‌ریی "الاتجاه پرس"
کۆدی هه‌واڵنێر: 60104
Your Comment