به‌پێی هه‌واڵی کوردپرێس، محه‌مه‌د جه‌واد زه‌ریف وه‌زیری ده‌ره‌وه‌ی ئێران له توویتێکدا ئاماژه‌ی به کۆبوونه‌وه‌که‌ی ئه‌نجومه‌نی ئاسایش سه‌باره‌ت به ئێران کرد و نووسیی: ئه‌نجومه‌نی ئاسایشی نه‌ته‌وه یه‌کگرتوووه‌کان هه‌وڵی ئاشکرای ئه‌مریکا بۆ به‌لاڕێدا بردنی ئه‌نجومه‌نه‌که‌ی ڕه‌ت کرده‌وه و زۆرینه‌ی ئه‌ندامان دانیان به جێبه‌جێ کردنی به‌رجام و ده‌ستوه‌رنه‌دان له کاروباری نێوخۆی دیکه‌ی وڵاتاندا ناوه و ئه‌وه‌ش شه‌رمه‌زاری بوو بۆ سیاسه‌تی ده‌ره‌وه‌ی دۆناڵد تره‌مپ.
شیاوی ئاماژه‌یه؛ ئه‌ندامانی ئه‌نجومه‌نی ئاسایش ده‌مه‌وبه‌یانی ڕۆژی شه‌ممه پشێوه‌کانی ئه‌م دواییه‌یان به پرسێکی نێوخۆی ئێران زانی و ڕایان‌گه‌یاند: ئه‌و ڕووداوانه هه‌ڕه‌شه له ئاسایش و ئاشته‌واییی نێوده‌وڵه‌تی ناکات و ئه‌رکی ئه‌نجومه‌نیش نییه ئه‌و بابه‌ته تاوتوێ بکات.
کۆدی هه‌واڵنێر: 60103
Your Comment