به‌پێی هه‌واڵی کوردپرێس، ڕێبوار که‌ریم له لێدوانێکی ڕۆژنامه‌وانیدا وتی: ئه‌و وەفدە له به‌غدا له‌گه‌ڵ سه‌رۆک‌وه‌زیران، سه‌رۆک‌کۆمار و سه‌رۆکی په‌رله‌مانی عێراق و دیکه‌ی به‌رپرسانی ئه‌و وڵاته دیدار و گفتوگۆ ده‌کات.
ناوبراو ئاماژه‌ی دایه ئه‌وه‌ی که ئامانجی دیداره‌که پاراستنی مانه‌وه‌ی هه‌رێمی کوردستان به‌پێی ده‌ستووری عێراقه و زیادی کرد: ئه‌و لیژنه‌یه پێکهاتوووه له خانم ڕه‌حیم و حه‌سه‌ن جه‌هاد له هاوپه‌یمانیی دیموکراسی و دادپه‌روه‌ری و شۆڕش حاجی و ڕه‌ئووف عوسمان له بزووتنه‌وه‌ی گۆڕان و محه‌مه‌د حه‌کیم و ئه‌حمه‌د حاجی ڕه‌شید له کۆمه‌ڵی ئیسلامیی کوردستان.
ڕێبوار که‌ریم وتیشی: شاندەکە له به‌غدا سه‌باره‌ت به ڕووداوه ئه‌منییه‌کانی که‌رکووک و دوزخورماتوو و هه‌ندێ له ناوچه‌کان و هه‌روه‌ها بابه‌تی شایستەداراییی هه‌رێمی کوردستان له بودجه‌ی گشتیی عێراق و خه‌رج کردنی مووچه‌ی فه‌رمانبه‌رانی هه‌رێم و ده‌ست‌پێکردنه‌وه‌ی گفتوگۆکانی نێوان به‌غدا-هه‌ولێر باس و گفتوگۆ ده‌کات.
سه‌رچاوه: شه‌فه‌ق نیووز
کۆدی هه‌واڵنێر: 60104
Your Comment