کوردستان لە ڕیزی پێشەوەی گرانیی خۆراکدایە؛

سفرەی خەڵک ڕۆژ لە دوای ڕۆژ بچووکتر دەبێتەوە

داتا فەرمییەکانی ناوەندی ئاماری ئێران تایبەت بە هەڵاوسانی خەزەڵوەری ١٤٠٥ (حوزەیرانی ٢٠٢٦)، وێنەیەکی نیگەرانکەر لە دۆخی بژێویی خەڵکی کوردستان نیشان دەدەن؛ وێنەیەک کە دەری دەخات ئەم پارێزگایە لە بەشێکی زۆری کاڵا بنەڕەتییە خۆراکییەکاندا، نەک هەر لە مامناوەندی وڵات دوا نەکەوتووە، بەڵکوو لە زۆربەی گرووپەکاندا لە نێوان چەند پارێزگای یەکەمی وڵاتدایە لە ڕووی گرانییەوە. ئەم ئامارانە تەنیا ژمارە و ڕێژەی سەدی نین؛ هەر ژمارەیەک، گێڕانەوەی بچووکتربوونەوەی سفرەی ئەو خێزانانەیە کە داهاتەکەیان هاوتەریب لەگەڵ خێرایی بەرزبوونەوەی نرخەکاندا زیادی نەکردووە.

کوردستان؛ دەروازەی بازرگانیی ڕۆژئاوای ئێران

گەشەکردنی %۱۵۸ـی بازرگانیی دەرەکی، بەرزبوونەوەی %۳۶ـی بەهای ترانزێتی کاڵاکان و تۆمارکردنی زیاتر لە ۷۱۲ ملیۆن دۆلار ئاڵوگۆڕی بازرگانی تەنیا لە دوو مانگی یەکەمی ساڵی ۱۴۰۵دا، نیشانی دەدات کە سنوورەکانی کوردستان زیاتر لە هەر کاتێکی تر بوونەتە یەکێک لە گرنگترین خاڵە بەهێزە جیۆ-ئابوورییەکانی ئێران؛ توانستێک کە ئەگەر لەگەڵ پەرەپێدانی ژێرخانەکان و ئاسانکاریی بازرگانیدا هاوڕێ بێت، دەتوانێت ئەم پارێزگایە بکاتە چەقی بازرگانیی ڕۆژئاوای وڵات و بازنەی بەستنەوەی ئێران بە بازاڕەکانی ناوچەکەوە.

دکتۆرینی نوێی واشنتۆن؛ عێراق و سووریا دەکرێنە ڕێڕەوی ئابووری

ڕێککەوتنەکانی ئەم دواییەی ئەمریکا لەگەڵ عێراق و سووریا، لە نۆژەنکردنەوەی هێڵی بۆریی کەرکووک–بانیاسەوە تا دەگاتە هاتنی کۆمپانیا گەورەکانی نەوت و تەکنەلۆژیای ئەمریکی، ئەوە نیشان دەدەن کە واشنتۆن خەریکی داڕشتنی نەزمێکی نوێی ناوچەیییە، کە تێیدا وزە، تەکنەلۆژیا و سەرمایە دەکاتە ئامرازی سەرەکیی نفووز و کاریگەریی خۆی.