بەپێی هەواڵی کوردپرێس، به‌رهه‌م ساڵح سه‌ردانی مسته‌فا کازمی کرد و له‌دیدارێکدا دواین په‌ره‌سه‌نده سیاسییه‌کان و بارودۆخی گشتیی عێراقیان تاوتوێ کرد، هه‌روه‌ها باسیان له هه‌وڵه‌کان بۆ تێپه‌ڕاندنی پرۆژه‌یاسای بودجه‌ی فیدڕاڵی ساڵی 2021 کردووه.
له کۆبوونه‌وه‌که‌دا گفتوگۆ کراوه له‌سه‌ر ئاماده‌کارییه‌کان بۆ پرۆسه‌ی هه‌ڵبژاردن و دابین کردنی هه‌موو پێداویستییێک به‌مه‌به‌ستی سه‌رکه‌وتنی پرۆسه‌که و دڵنیابوون له‌وه‌ی، ئه‌نجامه‌کانی هه‌ڵبژاردن گوزارشتێکی ڕاسته‌قینه ده‌که‌ن له خواست و هه‌ڵبژارده‌ی گه‌لی عێراق.
به‌رهه‌م ساڵح و مسته‌فا کازمی جه‌ختیان له‌سه‌ر گرنگی کاری پێکه‌وه‌یی ده‌سه‌ڵاتی یاسادانان و جێبه‌جێ کردن کرده‌وه، به مه‌به‌ستی به‌ره‌نگاربوونه‌وه‌ی ئاڵنگاریه‌کان و ره‌خساندنی هه‌لی سه‌رکه‌وتن بۆ چاکسازیی به ئامانجکراو له به‌رنامه‌ی کاری حکوومه‌تدا.
کۆدی هەواڵنێر: 60113
Your Comment