کوردپرێس:

محەمەد جەواد زەریف وەزیری دەرەوەی ئێران لە تویتێکدا بە بۆنەی ڕووداوی تێکشکانی فڕۆکە گەشتیارییەکەی ئوکراین داوای لێبوردن لە هاووڵاتییان دەکات و دەڵێت ئەو ڕۆژە ڕۆژێکی پڕ لە داخ و کەسەر بووە.

وەزیری دەرەوەی ئێران ئاماژەی بە ڕاگەیێندراوی فەرمیی هێزی چەکداری ئێران کردووە کە لە ڕاگەیێندراوەکەدا دان نراوە بەوەدا کە فڕۆکە گەشتیارییەکەی ئوکراین بە مووشەکی سوپای پاسداران تێکشکاوە.

دەمەوبەیانی ڕۆژی شەمە 21ی بەفرانباری 1398 بەرانبەر بە 11ی کانوونی دووهەمی 2020 ئەرکانی هێزی چەکداری ئێران لە بەیانێکی فەرمیدا ڕایگەیاند فڕۆکەی گەشتیاریی ئوکراین لە جۆری بویینگ 737 کە کاتژمێر 6 و 18 خولەکی بەیانی لە نزیک فڕۆکەخانەی ئیمام خومەینی لە تاران کەوتە خوارەوە بە مووشەکی سوپای پاسداران کەوتۆتە خوارەوە.