کوردپرێس:
شەوی پێنجشەمە 9ی کانوونی دووهەمی 2020 دوو مووشەک ئاراستەی ناوچەی سەوزی بەغدا کران و دەنگی تەقینەوە بیسترا و بالیۆزخانەی ئەمریکا لە بەغدا زەنگی ئاگادارکردنەوەی لێدا.
- ڕاگەیاندنی ئەمنیی عێراق ڕایگەیاند ئەو دوو مووشەکەی لە ناوچەی سەوز کەوتوونەتە خوارەوە لە جۆری کاتیۆشا بوون و هیچ زیانێکی گیانی لە نەبووە.
لە راگەیەنراوەکەدا هاتووە، "ئەو دوو مووشەکەی لە ناوچەی سەوز کەوتوونەتە خوارەوە لە جۆری کاتیۆشا بوون و هیچ زیانێکی گیانی لە ئەنجامی تێکشانی مووشەکەکاندا دروست نەبووە".
ئەوە لە کاتێکدایە درەنگانێکی شەوی رابردوو دوو "موشەکی کاتیۆشا" لە بەغدا تێکشکان کە یەکێکیان لە نزیک باڵیۆزخانەی ئەمریکا کەوتووەتە خوارەوە و ئەویتریان لە ناوچەیێکی دوور لە باڵیۆزخانەکە بەبێ زیان تێکشکاوە.
Your Comment