کوردپرێس:
مستەفا بالی وتەبێژی دەزگای ڕاگەیاندنی هێزەکانی سووریای دیموکرات لە لێدوانێکدا بە هەواڵنێری کوردپرێسی وتووە تورکیا بە یاوەریی هێزە جیهادییەکانی سەر بەو وڵاتە، بە بیانووی بوونی هێزەکانی پەکەکە لە باکووری و خۆرهەڵاتی سووریا هێرشیان کردۆتە سەر ئەم ناوچەیە و ئەوەش بیانوویێکی ناڕاستە بەڵام ئەگەر لەمەش گەڕێین ئەی ناردنی هێز و هێرش کردن بۆ سەر لیبی چ پاساوێکی بۆ دەهێنرێتەوە؟
مستەفا بالی گوتیشی ئێستا هەمووان بۆیان دەرکەوتووە کە تورکیا نیازی چیە. هەموو جیهان دەزانن کە تورکیا کار بۆ دابەش کردن و تێکدانی سەروەریی وڵاتانی ناوچەکە دەکات.
وتەبێژی دەزگای ڕاگەیاندنی هێزەکانی سووریای دیموکرات زیادیشی کرد: لە ماوەی 9 ساڵی ڕابردوودا هەرگیز هیچ هێرشێکمان نەکردۆتە سەر تورکیا. ئێمە هەوڵمان داوە ڕێگە لە هەموو ئەو کارانە بگرین کە ناوچەکە بەرەو نائارامی و تەشەنەی زیاتر ببات بەڵام نیەتی تورکیا ئەمە نەبووە.
ناوبراو داوای لە وڵاتانی زامنی مەسەلەی ئاگربڕ کرد تورکیا لە سووریا بکەنە دەرەوە و ئاوارەکانی سووریا بگەڕێننەوە سەر ماڵ و حاڵی خۆیان.
Your Comment