به‌پێی هه‌واڵی کوردپرێس، تاڤگه‌ ئه‌حمه‌د نوێنه‌ری بزووتنه‌وه‌ی گۆڕان له‌ ئه‌نجومه‌نی نوێنه‌رانی عێراق به‌ هه‌واڵده‌ریی وه‌ته‌ن نیووزی وتوووه‌: لێدوانی لاهوور شێخ جه‌نگی به‌رپرسی ده‌زگای هه‌واڵگریی هه‌رێمی کوردستان سه‌باره‌ت به‌ چوونه‌وه‌ی هێزی کورد بۆ که‌رکووک و دیکه‌ی ناوچه‌ کێشه‌له‌سه‌ره‌کان جگه‌ له‌وه‌ی موزایده‌ی سیاسییه‌ لێدوانه‌که‌ی مه‌سعوود بارزانی سه‌رۆکی پێشووی هه‌رێمی کوردستانیش پشتڕاست ده‌کاته‌وه‌ که‌ وتبووی هه‌رگیز له‌ که‌رکووک ناچینه‌ ده‌ره‌وه‌ مه‌گه‌ر ئه‌وه‌ی ته‌رمه‌که‌مان له‌و شاره‌ به‌رنه‌ ده‌رێ.

ناوبراو زیادی کرد: بارزانی و دیکه‌ی ئه‌ندامانی سه‌رکردایه‌تیی پارتی دواجار به‌ بێ هیچ شه‌ڕ و پێکدادانێک که‌رکووکیان چۆڵ کرد.

شیاوی ئاماژه‌یه‌؛ شێخ جه‌نگی پێشتریش وتبووی کورده‌کان خۆیان ئاماده‌ ده‌که‌نه‌وه‌ بۆ ئه‌وه‌ی ناوچه‌ جێناکۆکه‌کانی نێوان هه‌ولێر و به‌غدا کۆنتڕۆڵ ده‌که‌نه‌وه‌ جا چ به‌ شه‌ڕ بێت چ به‌ ئاشتی.

کۆدی هه‌واڵنێر: 60103