بەپێی هەواڵی کوردپرێس ئیدارەی پەروەردە و بارهێنانی شاری ورمێ لە ڕێگای ڕاگەیێندراوێکەوە ڕای­گەیاند: بەبۆنەی پیس بوونی هەواوە قوتابخانەکانی بەشی دوانیوەڕۆی شاری ورمێ ڕۆژی شەممە 25ی سەرماوەز پشوو دەدرێن.
شیاوی ئاماژەیە هەر لەبەر ئەو هۆکارە قوتابخانەکانی بەشی سەر لەبەیانیش پشوو درابوون.
ئیدارەی ڕاگەیاندنی گشتیی ئیدارەی پەروەردە و بارهێنانی شاری ورمێ زیادی کردوووە ئەو پشوووە قوتابخانەی گوندەکان ناگرێتەوە بەڵکوو قوتابخانەکانی نێو شاری ورمێ پشوو دەدرێن.
ئیدارەی ژینگەپارێزیی ورمێ ڕای­گەیاندوووە هەوای ئەمڕۆکەی ورمێ ناتەندروستە و جێگرایەتیی تەندروستیی زانستگای پزیشکییش هۆشداری بە نەخۆشانی دڵ و سپڵ داوە خۆیان بپارێزن.
لە ڕاگەیەندراوەکەی جێگرایەتیی تەندروستیی زانستگای ورمێدا داوا لە هاووڵاتییان کراوە لەو جۆرەکاتانەدا ئاوی زیاتر بخۆنەوە و شیر و سەوزە و مێوە بخۆن و بۆ ماوەی درێژ لە دەرەوە مەوەستن.
Your Comment