به‌پێی هه‌واڵی کوردپرێس، نەسرەدین سندی، سەرۆكی دەستەی ناوچە دابڕێنراوەكان لە حكوومەتی هەرێمی كوردستان ڕای­گەیاندووە كە هەولێر دەیەوێت گفتوگۆ لەگەڵ بەغدا بكات، بۆ ئەوەی كێشەی مادەی 140 چارەسەر بكات.

نەسرەدین سندی ڕاشی­گەیاندووە: هەرێمی كوردستان دەیەوێت بە چارەسەركردنی كێشەكانی مادەی 140 هەموو كێشەكانی ناوچە دابڕێنراوەكان چارەسەر بكات ‌و كۆتایی بە ئاڵۆزییەكانی ئەو ناوچانە بهێنێت.

ئەو بەرپرسەی هەرێمی كوردستان بە پێویستی دەزانێت، هەولێر و بەغدا بۆ چارەسەری كێشەكانی مادەی 140 دەبێت پەنا دەستووری عێراق بەرن ‌و لەو رێگەیەوە كێشەكان چارەسەر بكەن.

مادەی 140 مادەیێکی دەستووری عێراقە كە ئەو مادەیە تایبەتە بەو ناوچانەی لە نێوان هەولێر و بەغدا كێشەی لەسەر هەیە و چەند ساڵێكە بەهۆی ئەو مادەوە كێشە لە نێوان هەر دوو لا هەیە.

کۆدی هه‌واڵنێر: 60104