به‌پێی هه‌واڵی کوردپرێس، زاناکان پشتیان به‌ ته‌کنه‌لۆجیای چاپی سێ ڕه‌هه‌ندی به‌ستووه‌ بۆ دروست کردنى دڵه‌ ده‌ستکرده‌که‌ و کێشه‌که‌ى نزیکه‌ى ٣٩٠ گرامه‌.

توێژه‌ره‌کان ڕایان‌گه‌یاندووه‌: دڵه‌که‌ هاوشێوه‌ی دڵی مرۆڤ هه‌ر دوو سکۆڵه‌ و گوێچکه‌له‌ی هه‌یه‌ به‌ڵام له‌ ئێستادا دڵه‌که‌ ده‌توانێت ته‌نها ٣ هه‌زار جار لێ بدات و نێو کاتژمێر کار بکات و خوێن بنێرێت هه‌ر بۆیه‌ش زاناکان سه‌رقاڵی په‌ره‌پێدانی زیاتری دڵه‌ ده‌ستکرده‌که‌ن تا بتوانێت وه‌ک دڵی مرۆڤ کار بکات له‌ داهاتوودا.

ئه‌مه‌ش له‌ کاتێکدایه‌ له‌ ئێستادا زیاتر له‌ ٢٦ ملیۆن مرۆڤ له‌ سه‌رتاسه‌ری جیهان کێشه‌ى دڵیان هه‌یه‌ و له‌م بواره‌دا پێویستییێکى زۆر هه‌یه‌ بۆ دڵی ده‌ستکرد و له‌ کاتى سه‌رکه‌وتنى ئه‌م پڕۆژه‌یه‌ به‌ ته‌واوی ده‌بێته‌ داهێنانێکى گه‌وره‌ى مرۆڤایه‌تی.

سه‌رچاوه‌: ئێن ئاڕتی

کۆدی هه‌واڵنێر: 60103