به‌پێی هه‌واڵی کوردپرێس، پارتی کۆماریخوازی گه‌لی تورکیا (CHP) هه‌ندێک به‌ڵگه‌ی بانکیی ئاراسته‌ کردووه‌ که‌ زانیاریی ورد له‌سه‌ر گواستنه‌وه‌ی چه‌ندین میلیۆن دۆلار پاره‌ له‌ نێوان کۆمپانیای بێلڤی و که‌سوکاری ڕه‌جه‌ب ته‌ییب ئه‌ردۆغان گوازراوه‌ته‌وه‌.

ئه‌و به‌ڵگانه‌ که‌ له‌لایه‌ن بۆڵنت تزجان جێگر و وته‌بێژی CHPه‌وه‌ ئاراسته‌ی داواکاری ئه‌نقه‌ره‌ کراوه‌ بریتییه‌ له‌ وه‌سلی بانکه‌کان، په‌یامی سویفت و مۆڵه‌تی داراییی کۆمپانیای بێلڤی.

پێش چه‌ند ڕۆژ که‌ماڵ قلیچدارئۆغڵۆ سه‌رۆکی CHP که‌سوکار و بنه‌ماڵه‌ی ئه‌ردۆغانی به‌وه‌ تۆمه‌تبار کردووه‌ که‌ بڕه‌پاره‌یێکی زۆریان بۆ کۆمپانیا ساخته‌یییه‌کان گواستۆته‌وه‌ به‌ڵام تۆمه‌ته‌که‌ له‌لایه‌ن ئه‌ردۆغان و به‌رپرسانی حکوومییه‌وه‌ ڕه‌ت کرایه‌وه‌.

قلیچدارئۆغڵۆ، سێ که‌س له‌ که‌سوکاری ئه‌ردۆغان به‌ کوڕ و براکه‌ی ئه‌ردۆغانه‌وه‌ به‌وه‌ تۆمه‌تبار ده‌کات که‌ بڕی 15 میلیۆن دۆلار پاره‌یان بۆ به‌هه‌شته‌که‌ی دووڕگه‌ی مان گواستۆته‌وه‌.

له‌ به‌رانبه‌ریشدا ئه‌ردۆغان، قلیچدارئۆغڵۆی به‌ درۆزنی تۆمه‌تبار کردووه‌ و گوتوویه‌تی: CHP له‌ جێگه‌ی ئه‌وه‌ی پارتی سه‌ره‌کیی ئۆپۆزیسیۆن بێت "پارتی سه‌ره‌کیی خه‌یانه‌ته‌".

سه‌رچاوه‌: حوڕییه‌ت

کۆدی هه‌واڵنێر: 60103