به‌پێی هه‌واڵی کوردپرێس، ناوه‌ندی فه‌رمانده‌ییی هێزی سوپای دیموکراتیکی سووریا ڕای‌گه‌یاند: له درێژه‌ی پێشڕه‌وییه‌کانی ئه‌و هێزانه له قه‌باره‌ی ئۆپه‌راسیۆنی گه‌رده‌لوولی جزیره‌دا شه‌ڕێکی قورس له نێوان سوپای دیموکراتیکی سووریا و تیرۆریستانی داعش له گوندی سیودان ڕووی دا و له‌و پێکدادانه‌دا 72 تیرۆریستی داعش کوژران.
ئۆپه‌راسیۆنی گه‌رده‌لوولی جزیره له دۆخێکدا 84هه‌مین ڕۆژی خۆی تێده‌په‌ڕێنێت که سوپای دیموکراتیک له‌و ماوه‌یه‌دا توانیویه‌تی زه‌بری قورس له تیرۆریستانی داعش بدات. گوندی سیودان هه‌ڵکه‌وتوو له 25 کیلۆمه‌تریی باکووری ڕۆژهه‌ڵاتی ده‌یره‌زوور ماوه‌ی سێ ڕۆژه شه‌ڕی قورسی نێوان دوو لایه‌ن به‌خۆوه ده‌بینێت که له‌و شه‌ڕه‌دا 72 تیرۆریستی داعش کوژران و ئۆتۆمبێلێکی هه‌ڵگری چه‌کی دۆشکه تێکشکێندرا و به ڕێژه‌یێکی زۆر چه‌ک و ته‌قه‌مه‌نی له ناو برا و 5 تیرۆریستی داعشیش به‌دیل گیران.
شیاوی ئاماژه‌یه؛ له‌و شه‌ڕه‌دا 7 شه‌ڕڤانی سوپای دیموکراتیکی سووریاش کوژران.
سه‌رچاوه: هه‌واڵده‌ریی هاوارنیووز
کۆدی هه‌واڵنێر: 60103
Your Comment