به‌پێی هه‌واڵی کوردپرێس، عه‌لی لاریجانی که به بۆنه‌ی "ڕۆژی په‌رله‌مان"ه‌وه له به‌رنامه‌یێکی ڕاسته‌وخۆی ته‌له‌فزیۆنی قسه‌ی ده‌کرد سه‌باره‌ت به پڕۆژه‌یاسای ناوچه ئازاده‌کان ڕای‌گه‌یاند: زیاد بوونی ناوچه بازرگانییهکان ده‌توانێت یارمه‌تی به باشتر بوونه‌وه‌ی ڕه‌وتی هه‌نارده‌کردن بدات به‌ڵام ده‌بێ ڕوانگه‌ی ئه‌وانیش گۆڕانی به سه‌ردا بێت.
ناوبراو زیادی کرد: ده‌وڵه‌ت له‌مباره‌وه پڕۆژه‌یاسایێکی ئاراسته کرد که خه‌ریکه له کۆمیسیۆن لێک ده‌درێته‌وه. دره‌نگی ئه‌م دواییه‌ی په‌رله‌مان به‌و بۆنه‌وه بوو که ده‌بوا نه‌خشه‌کانی له ده‌وڵه‌ته‌وه ئاراسته‌ی په‌رله‌مان بکرابا و په‌سه‌ند بکرابا. له په‌رله‌ماندا چه‌ندین بڕگه زیاد کرا به تایبه‌ت له بواری بازرگانییه‌وه. ئه‌و که‌سانه‌ی که له ناوچه تایبه‌ت و ئازاده‌کان کاڵا هه‌نارده ده‌که‌ن ته‌نانه‌ت ئه‌گه‌ر ماکی سه‌ره‌تاییش له ده‌ره‌وه بهێنن لێبورده‌یی باجیان ده‌بێت هه‌ر بۆیه‌ش بۆ گۆڕینی ڕوانگه‌کان به‌ره‌و ئاسانکاریی بازرگانی به‌ره‌وپێشه‌وه ده‌چین.
کۆدی هه‌واڵنێر: 60103
Your Comment