به‌پێی هه‌واڵی کوردپرێس، موراد قه‌ره‌یلان فه‌رمانده‌ی گشتیی هێزی پاراستنی گه‌ل (هه‌په‌گه) له په‌یامێكی ڤیدیۆیدا به بۆنه‌ی 40 ساڵه‌ی دامه‌زراندنی په‌كه‌كه‌وه ڕای­گه‌یاند: "ده‌وڵه‌تی توركیا به ئاشكرا دوژمنایه‌تیی کورده‌کان به‌گشتی ده‌كات و ده‌یه‌وێت كۆمه‌ڵكوژی له‌سه‌ر گه‌لی كورد جێبه‌به‌جێ بكات".
سه‌باره‌ت به هه‌ڕه‌شه‌كانی توركیا بۆ سه‌ر كانتۆنی عه‌فرین له کوردستانی سووریا قه‌ره‌یلان ده‌ڵێت: "توركیا زمان درێژی له‌سه‌ر عه‌فرین ده‌كات، به‌ڵام ده‌بێت ئه‌وه بزانێت كه ئه‌م ده‌ستدرێژییه ده‌بێته هۆی سه‌رده‌می شه‌ڕێكی دوور و درێژ له نێوان داگیركاری توركیا و گه‌لی كورد له ته‌واوی ناوچه‌كه".
فه‌رمانده‌ی گشتی هه‌په‌گه هۆشداری ئه‌وه‌شی دایه توركیا شه‌ڕ له عه‌فه‌رین ته‌نیا له عه‌فرین نامێنێت، به‌ڵكوو به وته‌ی ئه‌و له ته‌واوی كوردستان و رۆژهه‌ڵاتی ناوه‌ڕاست ده‌ست­پێده‌كات.
له به‌شێكی تری وته‌كانیدا قه‌ره‌یلان ڕوونیكرده‌وه توركیا ده‌یه‌وێت ڕووسیا و ئێران له‌و شه‌ڕه‌دا بكاته شه‌رێک، بۆیه پێویسته ئه‌وان له‌و راستییه تێ­ بگه‌ن كه نه‌بنه شه‌ڕێكی توركیا.
هه‌روه‌ها فه‌رمانده‌ی گشتیی هه‌په‌گه داوای له گه‌لی كورد كرد مادام دوژمن ده‌بن به‌یه‌ک پێویسته كوردیش ببن به‌یه‌ک و له‌گه‌ڵ تورک و عه‌ره‌ب و فارس و نه‌ته‌وه‌كانی تریش یه‌كێتی و یه‌كگرتووی پێک­بهێنن.
کۆدی هه‌واڵنێر: 60104
Your Comment