به‌پێی هه‌واڵی کوردپرێس، حه‌فته‌ی ڕابردوو به‌رپرسانی تورکیا له‌ زاری دۆناڵد تره‌مپ سه‌رۆک کۆماری ئه‌مریکا ڕایان‌گه‌یاند واشنتۆن به‌ڵێنی داوه‌ یارمه‌تیی سه‌ربازی بۆ کورده‌کانی سووریا ڕابگرێت.

ڕۆیتێرز له‌ زاری ئێریک پاهۆن وته‌بێژی وه‌زاره‌تی به‌رگریی ئه‌مریکا نووسیی: ئه‌مریکا به‌نیازه‌ پێداچوونه‌وه‌ به‌ ڕه‌وتی هه‌ناردنی چه‌ک بۆ کورده‌کانی سووریا بکات.

ناوبراو له‌باره‌ی ڕاگرتنی چه‌ک بۆ هێزه‌کانی کوردی سووریا (YPG) قسه‌یێکی نه‌کرد به‌ڵام جه‌ختی کرده‌وه‌ بڕیار بۆ ڕاگرتنی ناردنی چه‌ک بۆ هێزه‌ کوردییه‌کان به‌ستراوه‌ به‌ پێداویستییه‌کانی مه‌یدانی شه‌ڕ.

ئێریک پاهۆن وتیشی: ئێمه‌ پێداچوونه‌وه‌ به ‌پاڵپشتیی سه‌ربازیی هاوبه‌شه‌ کورده‌کانمان ده‌که‌ین ئه‌وه‌نده‌ی که‌ پێویست بێت بۆ تێکشکاندنی داعش و هه‌وڵه‌کانی سه‌قامگیری بۆ ڕێگری کردن له‌ گه‌ڕانه‌وه‌ی داعش.

کۆدی هه‌واڵنێر: 60103