به‌پێی هه‌واڵی کوردپرێس، بۆسینا شه‌عبان ڕاوێژکاری باڵای به‌شار ئه‌سه‌د سه‌رۆک کۆماری سووریا له لێدوانێکدا ئاماژه‌ی به چاره‌سه‌رکردنی سیاسیی قه‌یرانی سووریا کرد و ده‌ری‌بڕی: حکوومه‌تی سووریا بڕوای به چاره‌سه‌رکردنی سیاسیی قه‌یرانی سووریا هه‌یه و ئاماده‌ین له‌باره‌ی قه‌یرانی سووریا له‌گه‌ڵ هه‌موو لایه‌نه‌کان دانووستان ئه‌نجام بده‌ین.
ناوبراو له درێژه‌ی لێدوانه‌کانیدا جه‌ختی کرد: له کاتی ده‌ست پێکردنی قه‌یران، ده‌وڵه‌تی سووریا مکووڕ بووه له‌سه‌ر دیالۆگ و ڕێکاری سیاسی و به باوه‌ڕی چاره‌نووسی هاوبه‌شی تێکڕای گه‌لی سووریا ڕه‌فتارێکی سازێنه‌ری گرتۆته به‌ر. ئێمه ئاماده‌ین له‌گه‌ڵ سه‌رجه‌م ئه‌و لایه‌نانه دانووستان بکه‌ین که بڕوایان به ڕێگه‌چاره‌ی سیاسی هه‌یه.
ناوبراو ئه‌نجامی دانووستانه‌کانی سووچی هه‌ڵسه‌نگاند و جه‌ختی کرده‌وه: سه‌رکه‌وتنی کۆنگره کاتێک ئاشکرا ده‌بێت که گرووپه جۆراوجۆره‌کان کۆتایی به توندوتیژی له سووریا بهێنن و ئاماده‌ی ده‌ست پێکردنی گفتوگۆ له ئاستی نه‌ته‌وه‌یی بن. ئێمه ده‌بێ بیسه‌لمێنین که گرووپه به‌رهه‌ڵستکاره‌کان ده‌یانه‌وێت به‌شێک له پڕۆسه‌ی سیاسی بن یان خێر.
سه‌رچاوه: هه‌واڵده‌ریی زه‌رنیووز
کۆدی هه‌واڵنێر: 60103
Your Comment