به‌پێی هه‌واڵی کوردپرێس، له‌و کێبه‌رکێیه‌دا کۆی 11 میداڵیا له‌لایه‌ن کچه وه‌رزشوانانی کوردستانییه‌وه مسۆگه‌ر کرا و له کۆی تیری ته‌مه‌نی نه‌ونه‌مامان، گه‌نجان و گه‌وره‌ساڵاندا تیپی کوردستان بووه یه‌که‌می ئه‌و ڕکابه‌رییه.
له‌و کێبه‌رکێیه‌دا 210 وه‌رزشوان له 15 پارێزگای ئێرانه‌وه بۆ ماوه‌ی دوو ڕۆژ له سێ تیری ته‌مه‌نی نه‌ونه‌مام و گه‌نجان و گه‌وره‌ساڵان و له کێشی جۆربه‌جۆردا کێبه‌رکێیان کرد.
له ته‌مه‌نی نه‌ونه‌ماندا که‌مه‌ند یاری میداڵیای زێڕی مسۆگه‌ر کرد، په‌ریسا قه‌نبه‌ری میداڵیای زێو و نسا موشیرپه‌ناهی میداڵیای بڕۆنزی وه‌ده‌ست هێنا.
که‌وسه‌ر مورادی، تارا قادری، ئازاده گوڵشه‌ن و شیلان هاجه‌ری له ته‌مه‌نی گه‌نجاندا میداڵیای زێڕیان وه‌ده‌ست هێنا و ئاتووسا جه‌عفه‌ریش هه‌ر له‌و ته‌مه‌نه‌دا میداڵیای زێوی مسۆگه‌ر کرد.
له تیری ته‌مه‌نی گه‌وره‌ساڵانیشدا شادی کوردی، به‌توول که‌ره‌می و مونا شێخ ئیسلامی میداڵیای زێڕیان مسۆگه‌ر کرد.
کۆدی هه‌واڵنێر: 60103
Your Comment