بەپێی هەواڵی کوردپرێس، ئارێز عەبدوڵڵا سەرۆكی فراكسیۆنی یەكێتیی لە ئەنجومەنی نوێنەران ڕای گەیاند: هەرێم و بەغدا بەنهێنی گفتوگۆیان لە سەر كێشەكانی نێوانیان ئەنجام نەداوە، بەڵام ئەوەی ئێستا هەیە بەنێوەندگیریی ئەمریكا و بەریتانیا و نەتەوەیەكگرتووەكان وەک لایەنی سێیەم لە سەرخەتن بە جۆرێک تا بتوانن هەردولا بگەیێننە ڕێككەوتن لە سەر كێشەكانی نێوانیان.

ئازیز عەبدوڵڵا وتیشی: ئەگەر ئەمساڵ هەرێم و بەغدا ڕێككەوتن بكەن، ئەوا جیاوازتر دەبێت بە بەراورد بەڕێكەوتنەكانی دیكەیان، بەو پێیەی لە 2016 و ساڵانی پێشتریش كاتێک ڕێكەوتن كراوە، هەرێم نەوتەكەی ڕادەست نەكردووە و بەغداش بودجەی ڕەوانە نەكردووە.

سەرۆكی فراكسیۆنی یەكێتی ئەوەشی ڕوون كردەوە: ئەمساڵ گرفتەكە لەوەدایە هەرێم دەبێت تەواوی داهاتەكەی ڕادەستی بەغدا بكات بەداهاتی نەوتیشەوە، ئەوانیش لە بەرامبەردا بودجە و مووچە ڕەوانە دەكات.

سەبارەت بە ئەگەری كەم بوونەوەی پشكی هەرێمیش لە ئەگەری كورت هێنانی بودجەی عێراق ئارێز عەبدوڵڵا وتی: ئەگەر هەردولا ڕێككەوتن بكەن، ئەوا پشكی هەرێم بەگوێرەی 17%كە ڕەوانە دەكرێت، ئەگەر داهاتی عێراقیش كەم بێتەوە، مەترسی بۆسەر داهاتووی پشكی هەرێم لە یاسای بودجەدا نابێت.

سەرچاوە: SNN

کۆدی هه‌واڵنێر: 60113