به‌پێی هه‌واڵی کوردپرێس، ڤیلادیمیر پووتن سه‌رۆک­کۆماری ڕووسیا پاش دیدارێکی چاوه‌ڕوان نه‌کراو له‌گه‌ڵ به‌شار ئه‌سه‌د هاوتا سوورییه‌که‌ی خۆی، له‌گه‌ڵ دۆناڵد تره‌مپ و مه‌لیک سه‌لمانیش له‌سه‌ر پرسی سووریا دیدار و گفتوگۆی کرد.
سه‌رۆک­کۆماری ڕووسیا هه‌روه‌هاش له‌گه‌ڵ سه‌رکرده‌کانی میسر و ئیسرائیلیش له ڕێگای ته‌له‌فۆنه‌وه گفتوگۆی کرد.
بڕیاره ئه‌مڕۆکه پووتن له‌گه‌ڵ حه‌سه‌ن ڕۆحانی و ڕه‌جه‌ب ته‌ییب ئه‌ردۆغانیش دیدار بکات.
که‌رملین له به‌یاننامه‌یێکدا ڕای­گه‌یاند: پووتن ئه‌نجامی سه‌ره‌کیی دیداره‌که‌ی خۆی له‌گه‌ڵ ئه‌سه‌دی به تره‌مپ ڕاگه‌یاندووه. له‌و دیداره‌دا سه‌رۆک­کۆماری سووریا له‌سه‌ر پێبه‌ندبوونی خۆی به پڕۆسه‌ی سیاسی و چاکسازی له ده‌ستوور و به‌ڕێوه‌بردنی هه‌ڵبژاردنی سه‌رۆک­کۆماری و په‌رله‌مانی جه‌ختی کرده‌وه.
به‌گوێره‌ی به‌یاننامه‌که پووتن له گفتوگۆی خۆی له‌گه‌ڵ تره‌مپ جه‌ختی له‌سه‌ر پێویست بوونی پاراستنی حاکمییه‌ت، سه‌ربه‌خۆیی و سه‌روه‌ریی سووریا کردووه‌ته‌وه.
سه‌رچاوه: ده‌یلی سه‌باح
کۆدی هه‌واڵنێر: 60104
Your Comment