به‌پێی هه‌واڵی کوردپرێس، مه‌ولوود چاووشئۆغڵۆ وه‌زیری ده‌ره‌وه‌ی تورکیا که‌ به‌ مه‌به‌ستی به‌شداری له‌ 74هه‌مین کۆنفڕانسی گشتیی ڕێکخراوی نه‌ته‌وه‌ یه‌کگرتووه‌کان له‌ نیۆیۆرک سه‌ردانی ئه‌مریکای کردووه‌ له‌ په‌راوێزی کۆبوونه‌وه‌که‌ له‌گه‌ڵ ئانتۆنیۆ گۆتێرێس سکرتێری گشتیی ڕێکخراوی نه‌ته‌وه‌ یه‌کگرتووه‌کان له‌سه‌ر ته‌وه‌ری قه‌یرانی سووریا کۆ بوویه‌وه‌.

دوای دیداره‌که‌ وه‌زیری ده‌ره‌وه‌ی تورکیا له‌ کۆنفڕانسێکی ڕۆژنامه‌وانیدا دیداره‌که‌ی به‌ ئه‌رێنی وه‌سف کرد و گوتی: هه‌نگاوه‌کان بۆ ناساندنی ئه‌ندامانی لیژنه‌ی نووسینه‌وه‌ی ده‌ستووری سووریا درێژه‌ی هه‌یه‌ و له‌م پێناوه‌دا ڕۆژی دووشه‌ممه‌ 23ی ئه‌یلوولی 2019 گییه‌ر پیدرسۆن نوێنه‌ری تایبه‌تی ڕێکخراوی نه‌ته‌وه‌ یه‌کگرتووه‌کان بۆ کاروباری سووریا سه‌ردانی دیمه‌شق ده‌کات و له‌گه‌ڵ به‌رپرسانی ده‌وڵه‌تی ناوه‌ندیی سووریا کۆ ده‌بێته‌وه‌ و دواتر ڕێکه‌وتی ناساندنی ئه‌ندامانی لیژنه‌ی نووسینه‌وه‌ی ده‌ستووری سووریا ڕاده‌گه‌یێندرێت.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103