بەپێی هەواڵی کوردپرێس، رەجەب تەییب ئەردۆغان، سەرۆک کۆماری تورکیا بە رۆژنامەنووسانی وڵاتەکەی راگەیاندووە، پێویستە ئەمریکا لە ناوچەی ئارام لە باکووری سووریا، لە ماوەی دوو هەفتەدا رێکاری بەرجەستە بگرێتە بەر.

رەجەب تەییب ئەردۆغان بەبێ ئاشکرا کردنی کاردانەوەکانی وڵاتەکەی، رایگەیاندووە کە ئەگەر ئەمریکا لەو ماوەیەدا رێککەوتنی ناوچەی ئارام جێبەجێ نەکات، ئەوا تورکیا پلانی خۆی جێبەجێ دەکات.

ئەردۆغان زیاتر وتی: ئەگەر ناوچەی ئارام لە ڕۆژهەڵاتی فورات دروست بکرێت دەتوانین بە لە بەرچاو گرتنی قووڵایی ناوچەکە کە 2 تا 3 ملیۆن کەس لە پەنابەرە سوورییەکان کە لە تورکیان لەم ناوچەیە جێگیر بکەین.

کۆدی هەواڵنێر: 60113