کوردپرێس:
لێکۆڵه‌رانی سێ زانکۆی ئیتاڵیا و به‌ڕێوه‌به‌رایه‌تیی شوێنه‌واری دهۆک دوای ساڵێک لێکۆڵینه‌وه شوێنه‌وارێکی مێژوویییان له چیای زاوا له پارێزگای دهۆک دۆزییه‌وه که مێژووه‌که‌ی بۆ پێنج هه‌زار ساڵ له‌مه‌وبه‌ر ده‌گه‌ڕێته‌وه و پیشه‌سازی سه‌رده‌می سۆمه‌رییه‌کان له دوو هه‌زار و 900 ساڵ له‌مه‌وبه‌ر ئاشکرا ده‌کات.
به گوته‌ی ئه‌و شوێنه‌وارناسانه‌ی له شوێنه‌واره‌که‌دا کاریان کردووه، ئه‌و بینینه‌وه‌یه زانیاریی زۆر له‌باره‌ی مێژووی ناوچه‌که ئاشکرا ده‌کات و ڕێگه‌خۆشکه‌ریشه بۆ لێکۆڵینه‌وه‌ی زیاتر له ناوچه‌که تاوه‌کوو شوێنه‌واره مێژووییه‌کان زیاتر ئاشکرا بکرێن.
به‌ڕێوه‌به‌ری به‌ڕێوه‌به‌رایه‌تیی شوێنه‌واری دهۆکیش ده‌ڵێت: پێشتر سه‌رچاوه‌ی ئه‌و ئامێرانه که له ناوچه‌ی میزۆپۆتامیا به‌کار ده‌هێندران دیار نه‌بوون، هه‌رچه‌نده بۆچوونی جیاواز له‌باره‌ی ئه‌و ئامێرانه‌وه هه‌بوون به‌ڵام دوای ئه‌م دۆزینه‌وه‌یه ئه‌و گومانانه ڕه‌وانه‌وه.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment