بەپێی هەواڵی کوردپرێس، پڕۆفیسۆر فەرەیدوون درەخشانی ناسراو بە کۆچەر بیرکار، بیرکاری هەڵکەوتووی مەریوانی لە ڕادۆزییێکی متمانەپێکراودا لە نێوان 50 بیرمەندی گەورەی جیهان وەک گەورە کەسایەتیی بیرمەندی ساڵی 2019 هەڵبژێردرا.

ڕادۆزییەکە لە لایەن گۆڤاری Prospectmagazinی بەریتانیا ئەنجام دراوە کە گۆڤارێکی ناسراو و متمانەپێکراوە و ڕادۆزییەکانی قبووڵکراوە.

پڕۆفیسۆر کۆچەر بیرکار پسپۆڕی ماتماتیک و بیرکارییە. خەڵکی گوندی نێی سەر بە شاری مەریوانە لە پارێزگای کوردستان و لە بەریتانیا دەژی. ساڵی ڕابردوو خەڵاتی فیڵدزی بردەوە کە گەورەترین خەڵاتی بواری ماتماتیک و بیرکارییە و وەک بۆبێلی بیرکاری ناسراوە.