به‌پێی هه‌واڵی کوردپرێس، ڕۆژی دووشه‌ممه‌ 2ی ئه‌یلوولی 2019 حسێن عوقابی په‌رله‌مانتاری هاوپه‌یمانیی نه‌سر و ئه‌ندامی لیژنه‌ی یاساییی په‌رله‌مانی عێراق هاوپه‌یوه‌ند به‌ به‌شه‌بودجه‌ی هه‌رێم له‌ بودجه‌ی گشتیی وڵات و ڕاده‌ست‌کردنی داهاته‌ نه‌وتییه‌کانی هه‌رێم به‌ ده‌وڵه‌تی فیدڕاڵ به‌ سۆمه‌ریه‌ نیووزی ڕاگه‌یاند: له‌ ماوه‌ی ساڵانی 2003 تا 2016 هه‌رێمی کوردستان 108 ترلیۆن دیناری (زیاتر له‌ 97 ملیار دۆلاری) وه‌رگرتووه‌ و له‌ ئێستادا ڕاده‌ست‌کردنی داهاته‌ نه‌وتییه‌کانی هه‌رێم به‌ به‌غدا به‌ستراوه‌ به‌ پێدانه‌وه‌ی قه‌رزه‌کانی هه‌رێم.

ئه‌و ئه‌ندامه‌ی لیژنه‌ی یاساییی ئه‌نجومه‌نی نوێنه‌رانی عێراق جه‌ختیشی کرده‌وه‌: مه‌نتیقی نییه‌ که‌ هه‌ولێر داوای پێدانی مووچه‌ی فه‌رمانبه‌رانی خۆی له‌لایه‌ن ده‌وڵه‌تی فیدڕاڵه‌وه‌ بکات به‌ بێ ئه‌وه‌ی ڕێگه‌ به‌ به‌غدا بدات ده‌سه‌ڵاتێکی له‌ پارێزگاکانی هه‌رێمی کوردستاندا بێت.

کۆدی هه‌واڵنێر: 60103