بەپێی هەواڵی کوردپرێس، عاسم جیهاد وته‌بێژی وه‌زاره‌تی نه‌وتی عێراق، له رای گه‌یاند: هیچ زانیارییێكمان له سه‌ر ئه‌و گرێبه‌ستانه نییه كه هه‌رێمی كوردستان له‌گه‌ڵ توركیا و كۆمپانیا بیانییه‌كان ئه‌نجامی داوه.
عاسم جیهاد وتیشی: وه‌ک وه‌زاره‌تی نه‌وت، به هیچ شێوه‌یێک پابه‌ندی ئه‌و گرێبه‌ستانه نابین و ده‌بێ حكوومه‌تی هه‌رێم به‌رپرسیارێتییه‌كه‌ی هه‌ڵبگرێت.
وته‌بێژی وه‌زاره‌تی نه‌وت، ئاشكراشی كرد: هه‌ڵوه‌شاندنه‌وه‌ی ئه‌و گرێبه‌ستانه له كاتی خۆیدا باسی لێوه ده‌كرێت و لیژنه‌ی چاودێری بۆ پێكده‌هێنین، بۆ ئه‌وه‌ی لێكۆڵینه‌وه له بڕی پاره‌ی ده‌ستهات و رێژه‌ی هه‌نارده‌كردنی ئه‌و نه‌وته‌ی كه فرۆشراوه بكه‌ن.
عاسم جیهاد، ئاماژه‌ی بۆ ئه‌وه‌ش كرد توركیا پێی راگه‌یاندوون ئه‌وان له دۆسێی نه‌وتدا ته‌نها مامه‌ڵه له‌گه‌ڵ به‌غدا ده‌كه‌ن و پابه‌ندی ئه‌و مه‌رجانه ده‌بن كه له به‌غداوه ده‌رده‌چێت.
کۆدی هه‌واڵنێر: 60113
Your Comment