بەپێی هەواڵی کوردپرێس، سەزایی تەمەلی، هاوسەرۆکی پارتی دیموکراتی گەلان (هەدەپە) لە لێدوانێکدا رایگەیاند؛ بەردەوام دەبین لە ناڕەزایەتی و خۆپیشاندان دژی لابردنی هاوسەرۆکانی شارەوانییەکانی ئامەد و مێردین و وان لە کوردستانی تورکیا چوونکە حکوومەت بەمانەوە ناوەستێت و بڕیارەکەی دیکەی شارە کوردنشینەکانیش دەگرێتەوە.

تەمەلی دەڵێت: "دانانی قەیوم لە شارە کوردنشینەکان بەتاڵ کردنەوەی سندووقەکانی دەنگدان و سەپاندنی دەسەڵاتی ناشەرعییە و ئەمەش کارەساتی گەورەی لە تورکیا لێدەکەوێتەوە و کاردانەوەکانمان دژی ئەو بڕیارە تەنها لە کوردستان نابێت و چالاکی و ناڕەزایەتییەکەمان لە ئەنقەرە و ئیستانبوڵ و هەموو شارەکانی تورکیا بەردەوام دەبێت".

لە بەشێکی دیکەی وتەکانیدا تەمەلی رایگەیاند: پێشتر ئەو قەیومانەی لە دژی هاوسەرۆکانی شارەوانییەکانی ناوچە کوردنشینەکان دانرابوون، هۆکاری دزی و تاڵانیی سەرچاوەکانی ئەم ناوچانە بوون بۆیە هەدەپە ناچار نییە ئەو بڕیارە و هۆکاری تاڵانییەکان قبووڵ بکات.

سەرچاوە: ڕۆژنامەی ئورنسل

کۆدی هەواڵنێر: 60113