کوردپرێس:
بەپێی راگەیێندراوی سەرۆکایەتیی هەرێمی کوردستان، نێچيرڤان بارزانى و مايك پێنس جهختيان له بهردهواميى هاوبهشيى ئهمريكا و ههرێمى كوردستان و گرنگيى هاوكارى و ههماههنگيى نێوان ههرێمى كوردستان و عێراق و بوونى ميكانيزمێكى هاوبهش بۆ ئهم مهبهسته، به يارمهتيى ئهمريكا بۆ رووبهڕووبونهوهى مهترسييهكانى سهرههڵدانهوهى تيرۆر، كردهوه.
مايك پێنس سوپاسى نێچيرڤان بارزانى و ههرێمى كوردستانى كردووە، رێز و پێزانينى وڵاتهكهى بۆ رۆڵى پێشمهرگه له رووبهڕووبوونهوه و شكاندنى داعش دووپات كردووەتەوە.
جێگری سەرۆکی ئەمریکا خۆشحاڵيى ئيدارهى ئهمهريكاشى بۆ باشتربوونى پهيوهندييهكانى ههولێر ـ بهغدا نيشان دا و دووپاتی كردووەتەوه ئهمريكا له هاوكارى و پشتگيريى ههردوولا بۆ چارهسهركردنى كێشهكان و رووبهڕووبوونهوهى تيرۆر بهردهوام دهبێت.
دەقی راگەیێندراوەکەی سەرۆکایەتیی هەرێمی کوردستان
"بهڕێزان نێچيرڤان بارزانى سهرۆكى ههرێمى كوردستان و مايك پێنس جێگرى سهرۆكى ئهمهريكا له پهيوهندييێكى تهلهفۆنيدا دۆخى ههرێمى كوردستان و عێراقيان تاوتوێكرد و جهختيان له بهردهواميى هاوبهشيى ئهمهريكا و ههرێمى كوردستان و گرنگيى هاوكارى و ههماههنگيى نێوان ههرێمى كوردستان و عێراق و بوونى ميكانيزمێكى هاوبهش بۆ ئهم مهبهسته، به يارمهتيى ئهمهريكا بۆ ڕووبهڕووبونهوهى مهترسييهكانى سهرههڵدانهوهى تيرۆر، كردهوه.
له پهيوهندييه تهلهفۆنييهكهدا كه ئێوارهى ئهمڕۆ سێشهممه 27/8/2019 ئهنجام درا، سهرۆك نێچيرڤان بارزانى ئاماژهى به باشتربوونى پهيوهندييهكانى ههرێمى كوردستان لهگهڵ حكوومهتى فيدرالى عێراق و باشتربوونى دۆخى ئابوورى له ههرێمى كوردستان دا و دووپاتى كردهوه كه ههرێمى كوردستان ئامادهيه ههموو كێشهكان لهگهڵ حكوومهتى عێراق له ڕێگهى ديالۆگهوه چارهسهر بكات و كارى ليژنهكانى نێوان ههردوو حكوومهتى ههرێمى كوردستان و حكوومهتى فيدرالى عێراقى به ئهرێنى له قهڵهم دا.
بهڕێز سهرۆكى ههرێمى كوردستان ههروهها داكۆكى له بهردهواميى سياسهتى ههرێمى كوردستان بۆ پاراستن و هاوكاريكردنى ههموو پێكهاته ئايينى و نهتهوهييهكان له ههرێمى كوردستان و كاركردن بۆ قووڵكردنهوهى كولتوورى پێكهوهژيان كردهوه و هاوكارى و پشتگيريى ههرێمى كوردستانى بۆ دابينكردنى ئاسايش و ئاوهدانكردنهوهى ناوچهكانيان نيشان دا، تا بتوانن بگهڕێنهوه شوێنهكانيان.
لاى خۆيهوه بهڕێز مايك پێنس جێگرى سهرۆكى ئهمهريكا، سوپاسى سهرۆك نێچيرڤان بارزانى و ههرێمى كوردستانى كرد و ڕێز و پێزانينى وڵاتهكهى بۆ ڕۆڵى پێشمهرگه له ڕووبهڕووبوونهوهى تيرۆر و شكاندنى داعش دووپات كردهوه، ههروهها سڵاوى بۆ خانهوادهى شههيدان و قوربانيانى دهستى تيرۆر نارد. بهڕێزيان خۆشحاڵيى ئيدارهى ئهمهريكايشى بۆ باشتربوونى پهيوهندييهكانى ههولێر ـ بهغدا نيشان دا و دووپاتى كردهوه كه ئهمهريكا له هاوكارى و پشتگيريى ههردوولا بۆ چارهسهركردنى كێشهكان و ڕووبهڕووبوونهوهى تيرۆر بهردهوام دهبێت، ههروهها هاوكاريى ههرێمى كوردستان و عێراق دهكات بۆ يارمهتيدانى ئاواره و پێكهاتهكان و گهڕاندنهوهيان بۆ شوێنهكانيان."
Your Comment