کوردپرێس: میدیاكانی توركیا ئه‌مڕۆ 24-8-2019، بڵاویان كرده‌وه، به تۆمه‌تی په‌یوه‌ندی كردنیان به ڕه‌وته‌كه‌ی فه‌تحوڵڵا گیوله‌ن، ڕۆژی هه‌ینی داواكاری گشتی توركیا، فه‌رمانی ده‌ستگیركردنی بۆ 34 سه‌ربازی هێزی ئاسمانی و 52 هاووڵاتی تری وڵاته‌كه‌ی ده‌ركردووه.
حكوومه‌تی ئه‌نقه‌ره، فه‌تحوڵڵا گیوله‌ن كه له ئه‌مریكا نیشته‌جێیه، تۆمه‌تبار ده‌كات به تێوه‌گلانی له كووده‌تاكه‌ی ساڵی 2016.
دوای سێ ساڵ له كووده‌تاكه و به‌پێی ئاماره‌كان، زیاتر له 77 هه‌زار كه‌س به‌تۆمه‌تی په‌یوه‌ندییان به ڕه‌وتی خزمه‌ت و تێوه‌گلانیان له كووده‌تاكه له توركیا ده‌ستگیر كراون.
کۆدی هەواڵنێر: 60113
Your Comment