کوردپرێس:
سه‌رۆكایه‌تیی فه‌رمانگه‌ی په‌یوه‌ندییه‌كانی سه‌رۆكایه‌تیی كۆماری تورکیا له ڕاگه‌یێندراوێکدا بڵاوی کرده‌وه که ڕه‌جه‌ب ته‌ییب ئه‌ردۆغان سه‌رۆک کۆماری تورکیا په‌یوه‌ندییێکی ته‌له‌فۆنی له‌گه‌ڵ ڤیلادیمیر پووتین سه‌رۆک کۆماری ڕووسیا ئه‌نجام داوه و سه‌باره‌ت به دواپێشهاته‌کانی سووریا له‌سه‌ر ته‌وه‌ری کردنه‌ئامانجی بنکه و کاروانه سه‌ربازییه‌کانی سوپای تورکیا گفتوگۆیان کردووه.
ڕه‌جه‌ب ته‌ییب ئه‌ردۆغان له په‌یوه‌ندییه ته‌له‌فۆنییه‌كه‌ی له‌گه‌ڵ پووتیندا جه‌ختی له‌وه كرده‌وه كه پێشێل كردنی ئاگربه‌ست له‌لایه‌ن سوپای سووریاوه له ئیدلب و هێرشه‌كانی بووه‌ته هۆی كاره‌ساتێكی گه‌وره‌ی مرۆیی و زیانیان به هه‌وڵه‌كانی چاره‌سه‌ر گه‌یاندووه و له ڕووی ئاسایشی نیشتمانیی توركیاوه بۆ هه‌ڕه‌شه‌یێكی زۆر جددیی گۆڕاون.
هه‌روه‌ها سه‌رۆک کۆمارانی تورکیا و ڕووسیا دواپێشهاته‌كانی سووریا و لیبیا و په‌یوه‌ندییه دووقۆڵییه‌كانیان تاوتوێ کردووه.
سه‌رچاوه: ته‌له‌فزیۆنی NTV
کۆدی هه‌واڵنێر: 60103
Your Comment