کوردپرێس:
ڕۆژی دووشه‌ممه 19ی ئابی 2019 له توویتێكدا له هه‌ژماری تایبه‌تی خۆی له تۆڕی كۆمه‌ڵایه‌تیی توویته‌ر فه‌لاح مسته‌فا نووسیویه‌تی: "خۆشحاڵم وه‌کوو ڕاوێژکاری باڵای نێچیرڤان بارزانی سه‌رۆکی هه‌رێمی کوردستان بۆ کاروباری ده‌ره‌وه ده‌ستنیشان کرام. به خۆشحاڵییه‌وه چاوه‌ڕێی ده‌ستپێکی ئه‌رکه‌کانم ده‌که‌م بۆ خزمه‌ت کردن له سایه‌ی سه‌رۆکایه‌تیی ئه‌ودا له‌پێناو خزمه‌ت کردنی خه‌ڵک و هه‌رێمه‌که‌مان".
شایانی باسه؛ فه‌لاح مسته‌فا بهرپرسی فه‌رمانگه‌ی په‌یوه‌ندییه‌کانی ده‌ره‌وه بوو له کابینه‌ی هه‌شته‌م که له کابینه‌ی نۆیه‌مدا سه‌فین موحسین دزه‌یى کراوه به بهرپرسی فه‌رمانگه‌که.
فه‌رمانگه‌ی په‌یوه‌ندییه‌کانی ده‌ره‌وه که له ساڵی 2006ه‌وه دامه‌زراوه به‌رپرسه له په‌یوه‌ندییه‌کانى ده‌ره‌وه‌ی حكوومه‌تی هه‌رێمی كوردستان و له‌وه‌ته‌ی دامه‌زراندنییه‌وه حکوومه‌تى هه‌رێمى کوردستان 14 نوێنه‌رایه‌تى له ده‌ره‌وه کردووه‌ته‌وه.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment