به‌پێی هه‌واڵی کوردپرێس، دوکتۆر مه‌حیه‌ددین ئاتامان مامۆستای پێوه‌ندیی نێونه‌ته‌وه‌یی له‌ زانستگای یڵدرم بایه‌زید سه‌باره‌ت به‌ هۆکاری دژایه‌تیی تورکیا له‌گه‌ڵ گشتپرسییه‌که‌ی هه‌رێم و پشتگیریی حکوومه‌تی به‌غدا بۆ گوشار خستنه‌ سه‌ر هه‌ولێر له‌ لێدوانێک بۆ حه‌فته‌نامه‌ی عه‌ره‌ب ویکلی ده‌ڵێت: ئه‌م هاوکارییه‌ بۆ ڕێگری کردنه‌ له‌ زاڵ بوونی په‌که‌که‌ و دیکه‌ی هێزه‌ ڕادیکاڵه‌کان له‌ باکووری عێراق و ناوچه‌که‌.

هه‌روه‌ها ده‌شڵێت: هۆکارێکی دیکه‌ی ئه‌م هاوکارییه‌ له‌به‌ر ئه‌وه‌یه‌ تورکیا ده‌ترسێت په‌که‌که‌ و هێزه‌کانی کوردی سووریا (YPG) زاڵ بن به‌ سه‌ر سنووره‌کانی باکووری عێراق له‌گه‌ڵ ئێران تا ده‌گاته‌ سووریا و هه‌موو ده‌روازه‌ و ناوچه‌ گرینگه‌کان کۆنتڕۆڵ بکه‌ن.

پسپۆڕه‌ سیاسییه‌که‌ی زانستگای یڵدرم بایه‌زید ئاشکرای ده‌کات: تورکیا خۆی خسته‌ پاڵ عێراق تاوه‌کوو ئه‌و کوریدۆره‌ که‌ ده‌یتوانی ببێته‌ شوێنی دزه‌ی هێزه‌کان کپ بکاته‌وه‌.

کۆدی هه‌واڵنێر: 60103