بەپێی هەواڵی کوردپرێس، نەسروڵڵا سوورچی لە گفتوگۆ لەگەڵ هەواڵدەریی «موازین نیووز»دا وتی: چوونکە حکوومەتی هەرێمی کوردستان بۆ دانیشتن لەسەر مێزی گفتوگۆ لەگەڵ بەغدا ئامادەییی خۆی دەربڕیوە، دەرەنجامەکانی ڕیفراندۆمی هەرێمی کوردستان به‌تاڵ‌کراو دێنه‌ ئه‌ژمار و ده‌بێت بەغدا و هەولێر به‌پێی ده‌ستووری عێراق گفتوگۆکانیان بۆ چارەسەر کردنی قەیرانەکان دەست پێبکەن.

سوورچی زیادی کرد: ئێستاش هەندێک پێوەندیی نهێنی تەلەفۆنی لە نێوان بەغدا و هەولێردا هەیە و بەم زووانەش شاندێکی کورد سەردانی بەغدا ده‌کات و ئۆمێدەوارین قەیرانەکانی نێوان ئەو دوو لایەنە بە دانووستان چارەسەر بکرێت.

کۆدی هه‌واڵنێر: 60113