به‌پێی هه‌واڵی کوردپرێس، هادی عامری له گفتوگۆیێکی ته‌له‌فزیۆنیدا له‌و باره‌یه‌وه وتی: یه‌ک له پێشمه‌رجه‌کانی به‌غدا بۆ ده‌ست­پێکردنه‌وه‌ی گفتوگۆ له‌گه‌ڵ هه‌ولێر هه‌ڵوه‌شاندنه‌وه‌ی ئاکامی گشتپرسییه و چوار مه‌رجی دیکه‌ی مه‌رجه‌عییه‌تی باڵای ئایینی له عێراق بریتیین له:
1) بڕوا به یه‌کڕیزی و یه‌کپارچه‌ییی خاک و جه‌ماوه‌ری عێراق.
2) ڕه‌ت کردنه‌وه‌ی سیاسه‌تی سه‌پاندنی ئه‌مری واقیع.
3) گه‌ڕانه‌وه و پێبه‌ندبوون به ده‌ستووری عێراق بۆ ئه‌نجامدانی هه‌موو چه‌شنه گفتوگۆیێک.
4) گه‌ڕانه‌وه بۆ دادگه‌ی فیدڕاڵ بۆ چاره‌سه‌ری کێشه‌کان و قبووڵ کردنی حوکمی ئه‌و دادگه‌یه.
عامری زیادی کردووه: پشتبه‌ستنی هه‌رێمی کوردستان به نه‌خشه ڕێگای داڕێژراو له لایه‌ن مه‌رجه‌عییه‌تی باڵای ئایینیی عێراق و دان نان به یه‌کپارچه‌ییی عێراق و پێبه‌ندبوون به ده‌ستووری عێراقییه‌وه زۆرینه‌ی کێشه‌کان چاره‌سه‌ر ده‌کات.
ناوبراو جه‌ختیشی کرده‌وه: لێدوانی هه‌ندێک له توندڕه‌وه کورده‌کان و هه‌ڕه‌شه‌ی ئه‌وان دژ به شه‌به‌که‌کان و هاووڵاتییانی ده‌شتی نه‌ینه‌وا له هه‌رێمی کوردستان هه‌ڵوێستی فه‌رمیی حکوومه‌تی هه‌رێم نابێت.
سه‌رچاوه: بغداد الیوم
کۆدی هه‌واڵنێر: 60104
Your Comment